近排去完 Nottingham 之後想寫返個blog介紹，整理啲相之後睇番之前啲相，咁既然影咗 66 取消前最後一遊嘅相，咁咪順便post埋上嚟攞。
九巴 66 號線喺 2013年9月28日停駛，終結30幾年嚟服務屯門居民嘅使命。66曾經係屯門對外嘅主要路線，可惜喺其他更加快嘅路線出現之後客量流失，西鐵通車亦進一步影響客量，結果亦要取消。衰落呢點同美國嘅 route 66 有啲似（同樣係 66 就要拉埋嚟講.....無言）但係唔同嘅係 route 66 憑佢嘅歷史價值轉型做 tourist attraction 以九巴 66 就咁消失於香港。我係 20／9／2014 號咁啱又得閒，於是去咗搭最後嘅 66。雖然作為一個 90後巴士迷對 66 嘅感情唔太，但係我耐唔耐都會搭 66x 入屯門 係大興都成日見到 66 都可以話有少少感情嘅。
一出地鐵站就見到架 66 拎相機都拎唔切
淨係影到兩張劣照
不過都有歷史價值嘅以後要係西九龍中心外面見返家 ASC 66 可以話係冇可能
呢個站牌都無可能係返 深水埗（欽州街）總站見到，明明架 66 係出面做見到都等咗成3幾分鐘先返到總站。
留意張相入面有兩個都係嚟送 66號殯嘅小學雞巴迷，除咗阻住影相（呢點又唔關佢哋事嘅）之外，佢哋兩個成程車都冇停過口，講埋啲唔實際加唔可能嘅所謂路線建議。當佢哋講到不如取消66x 延長 66去奧運個陣我真係唔知講乜好，當然我乜都無講。
其實我個人希望見到 AVC 或者 ASV，無論點都好 ASC喺入站後 15分鐘之後開車，咁我就梗係上車架啦，如果唔係下一班會係ADS喎。
車內扶手同乳豬紙一攝
整體嚟講 ASC都留俾我對 66 一個唔錯嘅最後印象，架車行屯公都幾有力，避震smooth得嚟又唔算拋，行車嘅噪音亦都好少
係大約一粒鐘之後去到大興總站，架車除咗我同個兩個巴迷之外得三四個乘客上屯公。其他詳情隔咁耐就唔記得晒喇。
亦都係冇機會再出現嘅合照，有我嘅（前）最愛 Neoplan 呀！
No comments:
Post a Comment